Bakıda Rusiyada keçiriləcək prezident seçkiləri ilə əlaqədar seçki məntəqəsi açılacaq

Bakı. 6 fevral. REPORT.AZ/ Martın 18-də Rusiyada keçiriləcək prezident seçkiləri ilə əlaqədar bu ölkənin Azərbaycandakı səfirliyində seçki məntəqəsi açılacaq.

"Report" Rusiyanın Azərbaycandakı səfirliyinin mətbuat xidmətinə istinadən xəbər verir ki, Azərbaycan Respublikasında daimi yaşayan və ya müvəqqəti olan Rusiya vətəndaşları Bakı, Bakıxanov küçəsi, 17 (səfirliyin konsulluq şöbəsi) ünvanında yerləşəcək 8017 saylı seçki məntəqəsində səsvermədə iştirak edə bilərlər.

Seçki məntəqəsi Bakı vaxtı ilə saat 08:00-dan 20:00-dək açıq olacaq.