Bakıda Azərbaycan və Monteneqro XİN başçılarının görüşü keçirilir

Bakı. 2 noyabr. REPORT.AZ/ Bakıda Azərbaycanın xarici işlər naziri Elmar Məmmədyarov ilə onun monteneqrolu həmkarı Srcan Darmanoviç arasında görüş keçirilir.

"Report" xəbər verir ki, Azərbaycan və Monteneqro XİN başçıları təkbətək formatda keçirilən görüşdə ikitərəfli əməkdaşlığın inkişaf perspektivlərini, eləcə də aktual regional məsələləri müzakirə edirlər.

Sonra görüş geniş formatda davam etdiriləcək.

Xatırladaq ki, Monteneqronun xarici işlər naziri Srcan Darmanoviç noyabrın 1-dən Azərbaycanda rəsmi səfərdədir.