Azərbaycan və Rusiya arasında parlament konfransı keçiriləcək

Bakı. 7 yanvar. REPORT.AZ/ Azərbaycan və Rusiyanın deputatları arasında yaxın vaxtlarda Rusiya Dövlət Dumasında parlament konfransı keçirmək nəzərdə tutulur.

“Report” RİA "Novosti”yə istinadən xəbər verir ki, tədbir çərçivəsində ikitərəfli yüksək səviyyəli parlamentlərarası komissiya yaratmaq barədə sənədin imzalanacağı da gözlənilir.

Xatırladaq ki, belə bir komissiya yaratmaq təklifi ötən il iyun ayında Azərbaycana rəsmi səfəri çərçivəsində Rusiya Dövlət Dumasının sədri Viaçeslav Volodin tərəfindən irəli sürülmüşdü.