Azərbaycan Prezidenti Türkiyəyə rəsmi səfər edəcək

Bakı. 13 yanvar. REPORT.AZ/ Azərbaycan Prezidenti İlham Əliyev Türkiyəyə rəsmi səfər edəcək.

"Report"un Türkiyə prezidentinin saytına istinadən verdiyi xəbərə görə, Azərbaycan dövlət başçısının səfəri Türkiyə lideri Rəcəb Tayyib Ərdoğanın dəvəti əsasında gerçəkləşəcək.

Səfər çərçivəsində İ.Əliyev R.T.Ərdoğanla birlikdə IV Türkiyə-Azərbaycan yüksəksəviyyəli strateji əməkdaşlıq şurasında iştirak edəcək.

Bundan başqa iki dövlətin rəhbərləri regional və beynəlxalq məsələləri müzakirə edəcəklər.