Azərbaycan Prezidenti Norveç kralına təbrik məktubu göndərib

Bakı. 16 may. REPORT.AZ/ Azərbaycan Prezidenti İlham Əliyev Norveçin Kralı Əlahəzrət V Haralda təbrik məktubu göndərib. "Report"un məlumatına görə, təbrik məktubunda deyilir:

"Əlahəzrət,

Norveç Krallığının milli bayramı – Konstitusiya günü münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi yetirirəm.

Bu bayram günündə Sizə möhkəm cansağlığı, xoşbəxtlik, dost Norveç xalqına daim sülh və firavanlıq arzulayıram".