Azərbaycan Prezidenti Belçika kralını təbrik edib

Bakı. 20 iyul. REPORT.AZ/ Azərbaycan Prezidenti İlham Əliyev Belçikalıların kralı, əlahəzrət Filipə təbrik məktubu ünvanlayıb. 

"Report"un məlumatına görə, təbrikdə deyilir: 

"Əlahəzrət,

Ölkənizin milli bayramı – Kralın andiçmə günü münasibətilə Sizə və Sizin simanızda bütün belçikalılara şəxsən öz adımdan və Azərbaycan xalqı adından ən səmimi təbriklərimi yetirirəm.

Bu əlamətdar gündə Sizə möhkəm cansağlığı və xoşbəxtlik, dost Belçika xalqına daim əmin-amanlıq və firavanlıq arzulayıram".