Azərbaycan Bosniya və Herzeqovinaya ianə köçürüb

Azərbaycan hökuməti Bosniya və Herzeqovina Təhlükəsizlik Nazirliyinin COVID-19 pandemiyası ilə mübarizə ilə bağlı ianələr üçün açılan bank hesabına 538 910 avro vəsait köçürüb.

“Report” xəbər verir ki, bu ölkənin Təhlükəsizlik Nazirliyinin açıqlamasında pandemiyanın fəısadlarına qarşı mübarizədə Bosniya və Herzeqovinaya göstərilən yardıma görə Azərbaycan hökumətinə və xalqına minnətdarlıq bildirilir.

Xatırladaq ki, bir müddət əvvəl Azərbaycan Bosniya və Herzeqovinaya humanitar yardım göstərmişdi.