Bakı. 13 mart. REPORT.AZ/ "Azərbaycanın böyük nəqliyyat layihələrini dəstəkləməsi regionun təhlükəsizliyinə mühüm töhfədir".
"Report" xəbər verir ki, bunu ATƏT-in Parlament Assambleyasının sədri Giorgi Tsereteli jurnalistlərə açıqlamasında deyib.
Onun sözlərinə görə, məsələn, Bakı-Tbilisi-Qars kimi nəqliyyat layihələri çox vacibdir.
"Azərbaycanın bu cür layihələrlə regiondakı rolu çox önəmlidir", - o əlavə edib.
Dağlıq Qarabağ münaqişəsinin həlli məsələsinə toxunan ATƏT PA sədri bildirib ki, assambleya ATƏT-in Minsk qrupunun həmsədrlərinin səylərini dəstəkləyir.
"Münaqişənin həllinin yalnız sülh yolu ilə mümkün olmasına inanırıq", - G.Tsereteli vurğulayıb.