​ATƏT-in Bakı Layihə Əlaqələndiricisi Ofisi Azərbaycanda fəaliyyətini dayandırıb

Bakı. 4 iyul. REPORT.AZ/ ATƏT-in Bakı Layihə Əlaqələndiricisi bu gündən etibarən Azərbaycanda fəaliyyətini dayandırıb.

Bu barədə “Report”a ATƏT-in mətbuat xidmətindən məlumat verilib.

"ATƏT Azərbaycan ilə əməkdaşlığın digər formalarına açıqdır", - deyə təşkilatın mətbuat xidmətindən bildirilib.

ATƏT-in Bakı Layihə Əlaqələndiricisi Ofisi Azərbaycan hökuməti və ATƏT arasında imzalanan “Bakıda layihə əlaqələndiricisi ilə bağlı qarşılıqlı anlaşma memorandum”nun ötən ay Azərbaycan tərəfindən dayandırılması ilə əlaqədar öz fəaliyyətini dayandırır.