Yuxarı
    Bağlamaq

    AŞPA həmməruzəçiləri gələn həftə Azərbaycana gələcəklər

    Həmməruzəçilər əvvəlcə Parisdə AŞPA Monitorinq Komitəsinin iclasında Azərbaycana dair hesabatlarını təqdim edəcəklər

    Bakı. 6 sentyabr. REPORT.AZ/ Avropa Şurası Parlament Assambleyasının (AŞPA) Azərbaycan üzrə Monitorinq Komitəsinin həmməruzəçiləri Ştefan Şennak və Sezar Florin Preda gələn həftə Bakıya səfər edəcəklər.

    "Report" xəbər verir ki, həmməruzəçilər əvvəlcə, sentyabrın 7-də Parisdə AŞPA Monitorinq Komitəsinin iclasında Azərbaycanda demokratik təsisatların fəaliyyətinə dair hesabatlarını təqdim edəcəklər, gələn həftə isə hesabatla Bakıya gələcəklər.

    Səfər çərçivəsində rəsmi şəxslər, vətəndaş cəmiyyəti nümayəndələri və başqaları ilə görüşlər gözlənilir.

    Azərbaycanla bağlı hesabatın sonradan oktyabrın 9-13-də Strasburqda keçiriləcək AŞPA-nın payız sessiyasında müzakirə olunacağı və qəbul ediləcəyi gözlənilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi