Yuxarı
    Bağlamaq

    Almaniya Prezidenti İlham Əliyevi təbrik edib

    Dinlə
    “Avropa Şurasında və ATƏT-də əməkdaşlığımızı davam etdirməyimiz arzuolunandır”Almaniya Federativ Respublikasının Prezidenti Frank-Valter Ştaynmayer və Azərbaycan Respublikasının Prezidenti İlham Əliyev

    Bakı. 24 may. REPORT.AZ/ Almaniya Federativ Respublikasının Prezidenti Frank-Valter Ştaynmayer Azərbaycan Respublikasının Prezidenti İlham Əliyevə təbrik məktubu ünvanlayıb.

    “Report”un xəbərinə görə, təbrik mətnində deyilir:

    “Cənab Prezident.

    Mayın 28-də qeyd edilən Respublika Günü münasibətilə Sizi və Sizin vətəndaşlarınızı öz adımdan və həmvətənlərim adından səmimi qəlbdən təbrik edirəm.

    Biz ötən il Azərbaycan və Almaniya arasında diplomatik münasibətlərin qurulmasının 25-ci ildönümünü qeyd etdik. Həmçinin 2018-ci ildə də biz əlamətdar bir ildönümünü qeyd edirik: 200 il əvvəl ilk alman mühacirləri Azərbaycana gəlmişlər. Bu da ölkələrimizi birləşdirən dərin köklərin olmasının sübutudur. Almaniya gələcəkdə də Azərbaycan ilə dostluq bağlarını gücləndirməyə və əməkdaşlığımızı intensivləşdirməyə səy göstərəcəkdir.

    Birgə iqtisadi maraqlarımızla yanaşı, biz xüsusilə energetika sahəsində siyasi dialoqu inkişaf etdirmək və mədəni əməkdaşlığı genişləndirmək istəyirik. Biz Avropa İttifaqı ilə ölkəniz arasında əlaqələri yeni sazişə əsaslanan müstəvi üzərində qurmaq istəyirik. Avropa Şurasında və ATƏT-də əməkdaşlığımızı davam etdirməyimiz arzuolunandır.

    Mən Sizə xoş arzularımı çatdırır, Azərbaycan xalqına sülh, əmin-amanlıq və rifah diləyirəm”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi