Avropa İttifaqının Cənubi Qafqaz üzrə xüsusi nümayəndəsi gələn həftə Bakıya gələcək

Bakı. 12 aprel. REPORT.AZ/ Avropa İttifaqının (Aİ) Cənubi Qafqaz və Gürcüstan böhranı üzrə xüsusi nümayəndəsi Herbert Zalber aprelin 19-20-də Azərbaycana səfərə gələcək.

Bu barədə "Report"a Avropa İttifaqının Azərbaycandakı nümayəndəliyinin mətbuat xidmətindən bildiriblər.

H.Zalber Bakıda rəsmi şəxslərlə bir sıra görüşlər keçirəcək. Görüşlər zamanı Azərbaycan və Aİ arasında əlaqələrin inkişafı, eləcə də Dağlıq Qarabağ münaqişəsinin nizamlanması perspektivləri müzakirə olunacaq.