VHP qərargahını dəyişir

Bakı. 16 fevral. REPORT.AZ/ Vətəndaş Həmrəyliyi Partiyası (VHP) qərargahını dəyişir.

Bu barədə "Report"a VHP-nin Mərkəzi İcra Aparatının rəhbəri Samir Əsədli məlumat verib.

O bildirib ki, qərargah təmir ediləcək: "Partiyanın qərargahının altına su yığılıb, bu da binanın divarlarının nəmlənməsinə və uçulub tökülməsinə gətirib çıxarıb. Eyni zamanda, binanın damı da yağış yağarkən damır. Ona görə də qərargah yenidən təmir ediləcək, həmçinin lift quraşdırılacaq və istilik sistemi tamamilə yenilənəcək. Bu baxımdan müvəqqəti olaraq "Qanun" Nəşrlər Evində fəaliyyət göstərəcəyik. Təmir başa çatdıqdan sonra yenidən həmin binada fəaliyyətimiz davam edəcək".

Qeyd edək ki, VHP-nin qərargahı Bakının Xətai rayonunda, "Qanun" Nəşrlər Evi isə paytaxtın Nəsimi rayonunda yerləşir. Nəşrlər Evi VHP sədri Sabir Rüstəmxanlının qardaşı Şahbaz Xuduoğluna məxsusdur.