Siyavuş Novruzov: “Telefonuma hər axşam xarici ölkələrdən naməlum zənglər gəlir”

Bakı. 1 fevral. REPORT.AZ/ “Mobil rabitə ilə bağlı çox ciddi problemlər yaranır. Mənim telefonuma hər axşam xarici ölkələrdən naməlum zənglər gəlir”.

“Report”un xəbərinə görə, bunu Milli Məclisin İctimai birliklər və dini qurumlar komitəsinin sədri, YAP icra katibinin müavini Siyavuş Novruzov parlamentin bu gün keçirilən plenar iclasında deyib.

O, “Ərəb baharı”nda da belə halların baş verdiyini xatırladıb: “O zaman müxtəlif adamların telefonlarına zəng gəlirdi, sonra kəsilirdi. Bu, yoxlanışdır, bir imtahandır. Milli Məclis rəhbərliyindən xahiş edirəm, bu məsələ araşdırılsın”.