Bakı. 24 oktyabr. REPORT.AZ/ "Azərbaycandan başqa ölkələrə gedib müxtəlif qruplara qoşulanlar var. Onlara başa salmaq lazımdır ki, addımları doğru deyil".
"Report"un məlumatına görə, bunu Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə deyib.
O bildirib ki, İslam dinindən istifadə edib müxtəlif neqativ hadisələr törədən insanlar qınanmalıdır, çünki onlar başqa dövlətlərin təsiri altına düşürlər: "İslam dini adından istifadə edib mənfi işlər etmək olmaz. Dində qan tökmək haramdır".
Şeyxülislam Aşura günündə zəncirvurmanın düzgün olmadığını da qeyd edib: "Qanı hədər yerə axıtmaq olmaz".