Yuxarı

ŞƏT: Azərbaycanda keçirilən seçkiləri şəffaf, etibarlı və demokratik sayırıq

ŞƏT: Azərbaycanda keçirilən seçkiləri şəffaf, etibarlı və demokratik sayırıq
ŞƏT təşkilat tarixində ilk dəfə Azərbaycana müşahidəçilər missiyası göndərib

Bakı. 12 aprel. REPORT.AZ/ "Şanxay Əməkdaşlıq Təşkilatının (ŞƏT) missiyası Azərbaycanda keçirilmiş prezident seçkilərini qanuni şəffaf, etibarlı və demokratik sayır".

"Report" xəbər verir ki, bunu ŞƏT-in Baş katibi Rəşid Əlimov mətbuat konfransında deyib.

O bildirib ki, ŞƏT təşkilat tarixində ilk dəfə Azərbaycan Respublikasına müşahidəçilər missiyası göndərib.

Missiya Azərbaycanda keçirilmiş prezident seçkilərinin müşahidəsi prosesində geniş beynəlxalq iştirakın, habelə yerli müşahidəçilərin yüksək fəallığının olduğunu qeyd edib.

"Azərbaycanda prezident seçkiləri ölkənin seçki qanunvericiliyinin tələblərinə və ölkənin üzərinə götürdüyü beynəlxalq öhdəliklərə uyğun şəkildə keçirilib. Milli qanunvericiliyin normalarının pozulması, seçkilərin legitimliyini şübhə altına sala biləcək hallar missiyamız tərəfindən müşahidə edilməyib", - ŞƏT baş katibi bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi