20 Yanvar hadisələrinin 30-cu ildönümü ilə bağlı Saatlı rayonunda izdiham yaşanıb. Sakinlər rayondakı Şəhidlər xiyabanına üz tutub, Vətən uğrunda canlarını fəda edən həmyerlilərinin xatirəsini anıblar.
"Report"un Mil-Muğan bürosunun məlumatına görə, Şəhidlər xiyabanında keçirilən tədbirdə rayon icra hakimiyyəti, idarə, müəssisə əməkdaşları, ictimaiyyət nümayəndələri iştirak ediblər.
Öncə şəhidlərin xatirəsi bir dəqiqəlik sükutla yad edilib, daha sonra onların ruhuna dualar oxunub. İnsanlar şəhidlərin xatirəsinə ucaldılan abidə kompleksini ziyarət edərək önünə gül dəstələri düzüblər.