Bakı. 3 aprel. REPORT.AZ/ Qazaxıstanın Mərkəzi Seçki Komissiyası (MSK) Azərbaycanda keçiriləcək prezident seçkilərinə 49 müşahidəçi göndərəcək.
Bu barədə "Report" Qazaxıstan KİV-inə istinadən xəbər verir.
MSK-nın bu gün keçirilən iclasında Azərbaycana gələcək müşahidəçilərin siyahısı formalaşdırılıb. Onlardan ikisi Azərbaycan MSK-nın dəvəti ilə seçkiləri müşahidə edəcək.
Müstəqil Dövlətlər Birliyindən olan müşahidə missiyasının tərkibinə 35 qazaxıstanlı daxildir. Türk Şurasından olan missiyada 2, ATƏT-in Demokratik Təsisatlar və İnsan Haqları Bürosunun müşahidəçiləri arasında isə 10 qazaxıstanlı olacaq.
Qeyd edək ki, Azərbaycanda Prezident seçkiləri aprelin 11-də keçiriləcək.