Yuxarı

Ötən il maliyyə hesabatında nöqsan aşkarlanan QHT-lərin sayı açıqlanıb

Ötən il maliyyə hesabatında nöqsan aşkarlanan QHT-lərin sayı açıqlanıb
QHT Şurası bu il sonuncu dəfə həmin təşkilatlarına güzəşt edib
© Report/ Firi salim — Qeyri-Hökumət Təşkilatlarna Dövlət Dəstəyi Şurasının sədri, deputat Azay Quliyev

Bakı. 26 yanvar. REPORT.AZ/ Ötən il 131 qeyri-hökumət təşkilatının maliyyə hesabatında nöqsanlar aşkar edilib.

“Report” xəbər verir ki, bunu Azərbaycan Prezidenti yanında Qeyri-Hökumət Təşkilatlarna Dövlət Dəstəyi Şurasının sədri, deputat Azay Quliyev deyib.

Onun sözlərinə görə, QHT-lərə Dövlət Dsətəyi Şurası bu il sonuncu dəfə həmin təşkilatlarına güzəşt edib: “Ötən il 500-dən çox QHT-nin layihələri dəstəklənib. Bu layihələrdən təxminən 80 min Azərbaycan vətəndaşı yararlanıb. 400-ə qədər çap məhsulu hazırlanıb. 100-ə qədər film, video çarx hazırlanıb”.

Şura sədri QHT-lərə ayrılan vəsaitlərin azlığından da danışıb: “Ölkədə təxminən 4 min QHT var. QHT-lər üçün ayrılan fond isə ümumilikdə 5 mln. manatdır. Bunu sadə riyazi hesblama ilə hesalasaq hər bir QHT-yə 1000 manat civarında vəsait düşür. Mən bunu Milli Məclisdə də qaldırmışam. Hesab edirəm ki, bu məsələyə növbəti ildən yenidən baxılmalıdır”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi