Bakı. 20 aprel. REPORT.AZ/ Klassik Xalq Cəbhəsi Partiyasının (KXCP) Ali Məclisinin növbəti toplantısı keçirilib.
KXCP sədrinin müavini Xəzər Teyyublunun "Report"a verdiyi məlumata görə, iclasda Azərbaycandakı ictimai-siyasi məsələlər müzakirə edilib.
X.Teyyublunun sözlərinə görə, toplantıda partiya qurultayının keçirilməsi ilə bağlı məsələ də müzakirəyə çıxarılıb: "Qərara gəldik ki, KXCP-nin qurultayı bu ilin iyulunda keçirilsin. Amma qurultayın keçiriləcəyi gün hələ ki, dəqiqləşməyib. Qurultayla bağlı rayon təşkilatlarında konfranslar keçirilir, toplantılar başa çatdıqdan sonra qurultayın günü ilə bağlı dəqiq qərar açıqlanacaq".