Yuxarı

Baş Prokurorluq 101 saylı seçki dairəsində vəkilin ölümü ilə bağlı məlumat yaydı - RƏSMİ

​Göygöldə seçki məntəqəsində müşahidəçi infarkt keçirib 2416

Baş Prokurorluq 101 saylı Göygöl-Daşkəsən Seçki dairəsindən deputatlığa namizədliyi qeydə alınmış Möhsüm Aslanovun vəkili, 1954-cü il təvəllüdlü Sübhan Hacıyevun həmin dairənin Göygöl rayonunun Mollacəlilli kəndində yerləşən 38 saylı seçki məntəqəsində 15-ə yaxın müşahidəçi və digər şəxslərin gözü qarşısında qəflətən vəfat etməsi ilə bağlı məlumat yayıb.

Baş Prokurorluğun Mətbuat xidmətindən “Report”a daxil olan məlumata görə, daxil olan məlumat əsasında dərhal hadisə yeri və meyitə prokurorluq və polis əməkdaşları tərəfindən məhkəmə-tibbi ekspetinin iştirakı ilə baxış keçirilmişdir.

Sübhan Hacıyevin meyitinin müayinəsi zamanı bədəni üzərində hər hansı xəsarət və ya xəsarət izi aşkar olunmamışdır.

İlkin araşdırma zamanı müəyyən edilmişdir ki, seçki qanunvericiliyinin tələblərinin pozulması ilə əlaqədar həmin seçki məntəqəsindən dairə seçki komissiyasına hər hansı müraciət daxil olmamış, eləcə də münaqişə və sair qanunsuzluqlar qeydə alınmamışdır.

Sübhan Hacıyev uzun müddət ürək xəstəliyindən əziyyət çəkirmiş, xəstəliyi ilə əlaqədar 2 dəfə infarkt keçirmiş və təxminən 6 ay bundan əvvəl koronaroqrafiya (anju) əməliyyatı olunmuşdur.

Faktla bağlı Göygöl rayon prokurorluğunda araşdırmalar davam etdirilir.


***23:03

Göygöl-Daşkəsən 101 saylı seçki dairəsinin Mollacəlilli kəndində olan məntəqəsində ölüm faktı qeydə alınıb.

"Report"un məlumatına görə, məntəqədə müşahidəçi olan Gəncə şəhər sakini, 1954-cü il təvəllüdlü Sübhan Hacıyev infarkt keçirib. Nəticədə S.Hacıyev məntəqədə ürəktutmasından dünyasını dəyişib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi