DSK yanında Statistika Şurasının tərkibində dəyişiklik edilib

Bakı. 22 dekabr. REPORT.AZ/ Nazirlər Kabineti “Azərbaycan Respublikasının Dövlət Statistika Komitəsi yanında Statistika Şurasının yeni tərkibinin təsdiq edilməsi haqqında” qərarında dəyişiklik edib.

“Report” xəbər verir ki, sənədi Baş nazir Novruz Məmmədov imzalayıb.

Belə ki, şuranın tərkibindən İqtisadiyyat Nazirliyinin Aparatının iqtisadi və sosial sahələrin inkişafı şöbəsinin sabiq müdiri Cəmaləddin Quliyevin adı çıxarılıb, onun yerinə İqtisadiyyat Nazirliyinin Aparatının iqtisadi siyasət şöbəsinin müdiri Yalçın Əzizov əlavə edilib.