Yuxarı

Deputatlar Şəhidlər xiyabanında soyqırım abidəsinin ucaldılmasını təklif ediblər

Deputatlar Şəhidlər xiyabanında soyqırım abidəsinin ucaldılmasını təklif ediblər
Musa Qasımlı deyib ki, Xocalı faciəsi ilə bağlı təbliğat işləri gücləndirilməlidir

Bakı. 24 fevral. REPORT.AZ/ Milli Məclisin deputatları Musa Qasımlı və Rafael Cəbrayılov Şəhidlər xiyabanında soyqırım abidəsinin ucaldılmasını təklif ediblər.

“Report”un xəbərinə görə, parlamentin bu gün keçirilən iclasında M.Qasımlı bildirib ki, bu abidə təkcə Xocalı hadisələrini deyil, digər soyqırımları da özündə əks etdirməlidir.

O deyib ki, Xocalı faciəsi ilə bağlı təbliğat işləri gücləndirilməlidir.

Deputat Rafael Cəbrayılov isə çıxışında deyib ki, Azərbaycan xalqı soyqırıma məruz qalan xalqdır: “Təəssüflər olsun ki, soyqırımı özündə əks etdirən möhtəşəm memorial kompleks yoxdur. Şəhid xiyabanı ziyarət edilir, bu, yaxşı addımdır. Sanki, Xocalı soyqırımı bir qədər arxa planda qalır. Təklif eirəm ki, Şəhid xiyabanında soyqırımı özündə əks etdirən memorial kompleks salınsın”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi