Azərbaycan Konstitusiyasına edilən əlavə və dəyişikliklər qüvvəyə minib - YENİLƏNİB

*** ilk xəbər saat 16:50-da yayımlanıb

Bakı. 11 oktyabr. REPORT.AZ/ Mərkəzi Seçki Komissiyası (MSK) Azərbaycan Respublikasının Konstitusiyasında dəyişikliklər edilməsi məqsədi ilə sentyabrın 26-da keçirilmiş ümumxalq səsverməsinin (referendum) yekun nəticələrini təsdiq edib.

“Report”un xəbərinə görə, səsvermə prosesi ilə bağlı MSK sədri Məzahir Pənahov məlumat verib.

Müzakirələrin yekununda MSK referendumun yekun nəticələrini təsdiqlənməsi ilə bağlı qərar qəbul edilib.

Qərarda bildirilir ki, Azərbaycan Respublikasının Konstitusiyasında dəyişikliklər edilməsi məqsədi ilə sentyabrın 26-da keçirilmiş ümumxalq səsverməsinin (referendum) yekun nəticələri təsdiq edilir, qərar bu gündən qüvvəyə minir.

Qeyd edək ki, ölkə üzrə 5 milyon 267 min 111 seçicidən 3 milyon 671 min 797 nəfəri səsvermədə iştirak edib.