Azərbaycanda ən yaşlı seçicinin 126 yaşı var

İlk dəfə səs verəcək vətəndaşların sayı 6 189 nəfərdir. 

"Report" xəbər verir ki, bunu Mərkəzi Seçki Komissiyasının (MSK) sədri Məzahir Pənahov bu gün keçirdiyi mətbuat konfransında deyib.

Onun sözlərinə görə, 99 nəfərin 18 yaşı isə səsvermə günü tamam olacaq.

M.Pənahov bildirib ki, ən yaşlı seçicinin 126 yaşı var: "Onun adı Allahverdiyeva Səmərqənddir. Ən yaşlı kişi seçici isə Əhmədov Şahverdidir. Onun 108 yaşı var".