Bakı 23° C
https://static.report.az/photo/a89d0310-9cd7-483d-bd0a-9bbbd302191f.jpg
Bakı. 3 aprel. REPORT.AZ/ Azərbaycanda dövlət büdcəsinin vəsaitindən təyinatı üzrə istifadə etməməyə görə cəzanın sərtləşdirilməsi təklif edilir.
"Report"un xəbərinə görə, Cinayət Məcəlləsinin hazırki 308-1-ci (Dövlət büdcəsinin, məqsədli büdcə fondlarının və ya büdcədənkənar dövlət fondlarının vəsaitindən təyinatı üzrə istifadə etməmə) maddəsinə əsasən, dövlət büdcəsinin, məqsədli büdcə fondlarının və ya büdcədənkənar dövlət fondlarının vəsaitindən təyinatı üzrə istifadə etməmə, bu əməllər xeyli miqdarda törədildikdə 8 min manatdan 10 min manatadək miqdarda cərimə edilməklə 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum etmə, yaxud 3 ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə 3 ilədək müddətə azadlıqdan məhrum etmə ilə cəzalandırılır. Dəyişiklik layihəsində cəzanın cərimə hissəsinin 9 min manatdan 13 min manatadək artırılması təklif edilir.
Dəyişiklik layihəsi Milli Məclisin plenar iclasına tövsiyə olunub.
