Azad Rəhimov cəbhədəki hadisələrlə bağlı tapşırıqlar verib

Bakı. 5 aprel. REPORT.AZ/ "Son günlər cəbhədə vəziyyət gərginləşib. Şiddətli döyüşlərdə Azərbaycan əsgərləri yüksək şücaət göstərərək düşmənə layiqli cavab verib. Düşmənin xeyli sayda canlı qüvvəsi və hərbi texnikası məhv edilib. Bu döyüşlərdə zabit və əsgər heyəti qəhrəmancasına şəhid olub". "Report"un məlumatına görə, bunu gənclər və idman naziri Azad Rəhimov deyib. 

A.Rəhimov nazirliyin idarə heyətinə tapşırıqlar verib: "Kimin bu məsələ ilə bağlı nəyə ehtiyacı olsa, köməklik lazım olsa, əməkdaşlarımıza müraciət edə bilər".