Yuxarı

Attestasiyadan azad olunan polislərin kateqoriyası müəyyənləşib - SİYAHI

Attestasiyadan azad olunan polislərin kateqoriyası müəyyənləşib - SİYAHI
Bu, “Azərbaycan Respublikasının daxili işlər orqanları əməkdaşlarının attestasiyasının keçirilməsi Qaydası”nda əksini tapıb

Bakı. 20 dekabr. REPORT.AZ/ Azərbaycanda daxili işlər orqanlarında attestasiyadan azad edilən əməkdaşların kateqoriyası müəyyənləşib.

“Report”un xəbərinə görə, bu, Nazirlər Kabinetinin təsdiqlədiyi “Azərbaycan Respublikasının daxili işlər orqanları əməkdaşlarının attestasiyasının keçirilməsi Qaydası”nda əksini tapıb.

Qaydaya əsasən, aşağıdakı əməkdaşların attestasiyası keçirilmir:

1. vətənin müdafiəsi, azadlığı və ərazi bütövlüyü uğrunda hərbi əməliyyatlarda xəsarət (yaralanma, travma, kontuziya) almış və əlil olmuş əməkdaşlar,

2. Azərbaycanın müstəqilliyinin və ərazi bütövlüyünün müdafiəsi zamanı göstərdiyi şücaətlərə görə dövlət təltiflərinə və fəxri adlarına layiq görülmüş əməkdaşlar,

3. hamilə qadınlar,

4. uşağının üç yaşınadək sosial məzuniyyətdə olan və həmin məzuniyyət bitdikdən sonra bir ildən az müddətdə müvafiq vəzifədə çalışan qadınlar (uşağını təkbaşına böyüdən kişilər),

5. bir vəzifədə faktiki olaraq bir ildən az müddətdə çalışan əməkdaşlar,

6. eyni vəzifədə azı üç dəfə attestasiyadan keçirilərək, tutduğu vəzifəyə uyğun olduğu müəyyən edilmiş əməkdaşlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi