Yuxarı

Tbilisidə Azərbaycan qadınlarına aid miniatür milli geyim sərgisi açılıb

Tbilisi. 16 fevral. REPORT.AZ/ Tbilisidə Gürcüstanın Xalq və Tətbiqi İncəsənət Muzeyində “Qafqaz qadınları – Asmat Saqiridzenin dünyası” adlı sərgi keçirilir.

“Report”un Gürcüstan bürosu xəbər verir ki, sərgidə Qafqazın əksər bölgələrinin milli qadın geyimlərinin miniatür kolleksiyası təqdim olunub.

Kolleksiyanın müəllifi etnoqraf Asmat Saqiridze miniatür qadın geyimlərini originala maksimal yaxın və dəqiq formada yaradıb.

O, miniatür geyimlərin hazırlanmasında müxtəlif fond, arxiv, elmi ədəbiyyat, ailəvi tarixi albomlar və digər mənbələrdən istifadə edib.

Ekspozisiyada Azərbaycan qadınlarına məxsus geyimlər də yer alıb. Sərgi ziyarətçilərinə Bakı və Gürcüstanın Borçalı bölgəsinin qadınlarına xas geyimlər təqdim olunub.

Muzeydə Azərbaycan qadın geyimləri ilə yanaşı, gürcü, çeçen, inquş, ləzgi, abxaz və digər Qafqaz xalqlarına məxsus qadın və kişi geyimləri də sərgilənir.

Sərgi martın 10-na qədər davam edəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi