“SOCAR Polymer” ixracını 37% artırıb

Bu ilin yanvar-aprel ayları ərzində “SOCAR Polymer” MMC 41,5 mln. ABŞ dolları dəyərində məhsul ixrac edib.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) “İxrac İcmalı”nın 2020-ci ilin may sayında göstərilib.

Bu isə ötən ilin müvafiq dövründən 37% çoxdur.

“SOCAR Polymer” bu ilin ilk dörd ayında qeyri-neft sektoru üzrə qeyri-dövlət ixracatçı subyektlərin reytinqində ilk onluğa başçılıq edib.

Xatırladaq ki, "SOCAR Polymer"ə illik istehsal gücü 184 min ton olan Polipropilen Zavodu və illik istehsalı 120 min ton təşkil edən Yüksəksıxlıqlı Polietilen Zavodu daxildir.