Yuxarı

SOCAR ötən il 115 min ton karbamid ixrac edib

​SOCAR ötən il 115 min ton karbamid ixrac edib

649

Azərbaycan Dövlət Neft Şirkətinin (SOCAR) Sumqayıtda inşa olunmuş Karbamid zavodunda 2019-cu ildə 171,2 min ton həcmində məhsul istehsal edilib.

“Report” xəbər verir ki, bu barədə hökumətin hesabatında qeyd edilib.

Məlumata görə, bu həcmin 115 min tonu ixraca yönəldilib.

Qeyd edilib ki, zavodun istehsala başlaması azot gübrəsi idxalına ehtiyacı aradan qaldırıb və bu istiqamətdə ölkənin xarici valyuta xərcləri azalıb.

Qeyd edək ki, Karbamid zavodu 2019-cu il yanvarın 16-da istifadəyə verilib. Zavod il ərzində 435 milyon kubmetr təbii qaz həcmindən xammal kimi istifadə etməklə, 650-660 min ton karbamid məhsulu istehsal etmək gücündədir.

İstehsal həcminin 70 faizi ixrac üçün nəzərdə tutulur. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Tərəfdaşların xəbərləri


Xəbər lenti

Son xəbərlər



Orphus sistemi