“Hyundai” avtomobilləri üçün çip istehsalına başlayacaq

Cənubi Koreyanın “Hyundai Motor” şirkəti xarici tədarükçülərdən asıllığı azaltmaq üçün çip istehsalına başlayacaq.

“Report” xarici mətbuata istinadən xəbər verir ki, bunu şirkətin əməliyyat direktoru Xose Munyos deyib.

Onun sözlərinə görə, çip çatışmazlığına görə şirkət istehsalı dayandırmaq məcburiyyətində olub: "Ən pis dövr avqust və sentyabr aylarında idi. Hazırda “Intel”in məhsul buraxılışını artırmağa dair səyləri hesabına vəziyyət yaxşılaşıb. Dördüncü rübdə istehsal həcmi azaldılmayacaq”.