“General Motors” yarım milyona qədər avtomobilini geri çağırır

“General Motors” təhlükəsizlik kəmərləri ilə bağlı problemi həll etmək üçün ABŞ-da 484 000-dən çox yolsuzluq avtomobilini geri çağırır.

“Report” bu barədə “ABC News”a istinadən xəbər verir.

Qeyd edilir ki, 2021 və 2022-ci il istehsallı “Chevrolet Suburbans” və “Tahoe”, “Cadillac Escalade” və “GMC Yukon” geri çağırılır.

Avtomobil istehsalçısı bildirir ki, istehsal qüsuru səbəbindən təhlükəsizlik kəmərləri qəza zamanı sərnişini düzgün tutmaya bilər və bu, xəsarət alma riskini artırır.

Hələlik bu problemin fəsadları ilə bağlı məlumat yoxdur.