"Azərikimya"nın modernizasiyası çərçivəsində iki böyük müqavilə imzalanacaq

Bakı. 2 noyabr. REPORT.AZ/ Noyabrın 5-də "Azərikimya" İB-nin yenidənqurma və modernizasiyası layihəsi çərçivəsində 2 böyük müqavilə imzalanacaq. 

"Report"un verdiyi xəbərə görə, bunu SOCAR-ın stateji inkişaf üzrə vitse-prezidenti Tofiq Qəhrəmanov bildirib.

Onun sözlərinə görə, birinci müqavilə "Technip" şirkəti (İtaliya) ilə "Azərikimya" arasında EPC (layihələndirmə, satınalma və tikinti) müqaviləsi olacaq.

"İkinci müqavilə isə SOCAR-KBR/KBR şirkətlər (ABŞ) alyansı arasında imzalanacaq. SOCAR-KBR/KBR alyansı müqaviləsi çərçivəsində "Azərikimya"ya idarəetmə və konsaltinq xidmətləri göstəriləcək" - SOCAR rəsmisi qeyd edib.