Azərbaycanın kimya sənayesi məhsullarının ixracından gəliri 7% artıb

Bakı. 9 mart. REPORT.AZ/ Bu ilin yanvar-fevral ayları ərzində Azərbaycandan 10 568 ton həcmində kimya sənayesi məhsulları ixrac edilib.

“Report”un Dövlət Gömrük Komitəsinə istinadən verdiyi xəbərə görə, bu miqdarda məhsulun dəyəri 6,623 mln. ABŞ dolları təşkil edib.

Hesabat dövründə kimya sənayesi məhsullarının payı Azərbaycanın ümumi ixracında 0,30% olub.

Bu ilin iki ayı ərzində ixrac olunan kimya sənayesi məhsullarının həcmi illik müqayisədə 39% azalıb, dəyəri isə 7% artıb.