Bakı. 16 sentyabr. REPORT.AZ/ Azərbaycanın emal sənayesində yanvar-avqust aylarında 5,1 mlrd. manatlıq məhsul istehsal olunub və sənaye xarakterli xidmətlər göstərilib.

"Report"un Dövlət Statistika Komitəsinə istinadən verdiyi xəbərə görə, əvvəlki ilin yanvar-avqust ayları ilə müqayisədə qida məhsullarının istehsalında 3,5% artım, içki istehsalında 4,8%, tütün məmulatlarının istehsalında isə 16,7% azalma müşahidə olunub.

Bu sahələrin əsas məhsullarından olan duru bitki yağlarının istehsalı 24,4% artaraq 42,7 min ton, üzlü süd istehsalı 2,3% artaraq 571,9 min ton, qaymaq və xama istehsalı 1,0% artaraq 3,1 min ton, pivə istehsalı 15,5% azalaraq 3,4 mln. dkl, alkoqolsuz içkilərin istehsalı 10,9% azalaraq 18,6 mln. dkl təşkil edib.