Bakı. 19 yanvar. REPORT.AZ/ Ötən il Azərbaycanda neft sektoruna ayrılan vəsaitin həcmi açıqlanıb. "Report" xəbər verir ki, bu barədə Dövlət Statistika Komitəsinin (DSK) hesabatında bildirilib.
Məlumatda bildirilib ki, 2015-ci ildə neft sektoruna 7160,7 milyon manat həcmində vəsait yönəldilib.
Qeyri-neft sektorunun inkişafına sərf edilən 8796,3 milyon manatlıq vəsaitin 1229,2 milyon manatı (ümumi sərmayənin 7,7 faizi) qeyri-neft sənayesi sektorunun inkişafında istifadə edilib.