Yuxarı
    Bağlamaq

    Azərbaycanda böyük poladtökmə-metallurgiya kompleksləri yaradılacaq

    Bunun sayəsində yüz milyon dollarlarla ixrac potensialı yaranmış olacaq

    Bakı. 18 sentyabr. REPORT.AZ/ Azərbaycanda yaxın vaxtlarda böyük poladtökmə-metallurgiya komplekslərinin yaradılmasına start veriləcək.

    "Report" xəbər verir ki, bu barədə sentyabrın 17-də Sabirabadda pambıqçılığın inkişafı məsələlərinə dair keçirilən respublika müşavirəsində yekun nitqi zamanı Azərbaycan Prezidenti İlham Əliyev məlumat verib.

    "Biz yaxın vaxtlarda böyük poladtökmə-metallurgiya komplekslərinin yaradılmasına start verəcəyik. Daşkəsən filiz yataqlarının istismarı və qurulacaq bir neçə zavodun fəaliyyəti sayəsində yüz milyonlarla dollar ixrac potensialımız yaradılacaq. İndi biz Sumqayıtda Kimya Sənaye Parkını yaradırıq və 2018-ci ildə polimer zavodu fəaliyyətə başlayacaq. O da təqribən 100 milyonlarla dollar ixrac potensialı yaradacaq. Sumqayıtda gübrə zavodu tikilir. Biz özümüzü gübrə ilə 2018-ci ildən sonra tam təmin edəcəyik və bu, kənd təsərrüfatının inkişafına da müsbət təsir göstərəcək. Çünki daha idxaldan asılı olmayacağıq və məhsul ixrac edəcəyik", - deyə dövlət başçısı bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi