Yuxarı

Azərbaycan ayaqqabı istehsalını artırıb

Ayaqqabı üçün dəri istehsalı da 7,9 dəfə artaraq 404 tona çatıb

Bakı. 24 oktyabr. REPORT.AZ/ Bu ilin ilk 9 ayında Azərbaycanda toxuculuq sənayesi, geyim, dəri və dəridən məmulatların, ayaqqabıların istehsalı sahələrində 70,2 mln. manat həcmində məhsul istehsal edilib. "Report"un Dövlət Statistika Komitəsinə istinadən verdiyi xəbərə görə, əvvəlki ilin yanvar - sentyabr ayları ilə müqayisədə dəri və dəridən məmulatlar, ayaqqabı istehsalında 74,1% artım, geyim istehsalında 36,7%, toxuculuq sənayesində isə 67,6% azalma müşahidə olunub.

Statistikaya əsasən, hesabat dövründə 61,2 min cüt üstü dəridən ayaqqabı istehsal olunub ki, bu da ötən ilin eyni dövrü ilə müqayisədə 33,6% çoxdur. Ayaqqabı üçün dəri istehsalı da 7,9 dəfə artaraq 404 tona çatıb. Geyim istehsalına gəlincə, üst trikotaj 13,9% azalaraq, 143,5 min ədəd, alt trikotaj 32% azalaraq, 217,0 min ədəd, corab istehsalı 3,3% artaraq, 1 509,3 min cüt, ipəkdən hazırlanan şərf, duvaq və s. 43,1% azalaraq, 87,3 min ədəd təşkil edib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi