"Azəralüminium" yenidən qurulacaq

Bakı. 7 fevral. REPORT.AZ/ Gəncədə “Azəralüminium” ASC-nin yenidən qurulması və işə salınması nəzərdə tutulub. Burada məqsəd ilkin və son alüminium məhsullarının istehsalının təşkilidir. Bu, həmin sahənin rəqabət qabiliyyətinin artırılması və ixrac imkanlarının genişlənməsinə imkan yaradacaq.

"Report" xəbər verir ki, bunu "Regionların sosial iqtisadi inkişafı Dövlət Proqramının (2014-2018-ci illər) icrasının 4-cü ilinin yekunları: qarşıda duran vəzifələr" mövzusunda keçirilən tədbirdə çıxış edən "Azərbaycan Sənaye Korporasiyası" ASC-nin baş direktoru Kamran Nəbizadə bildirib.

K.Nəbizadə qeyd edib ki, yeni sənaye sahələrinin ekoloji təmiz əlavə dəyər yaradan sahələrin yaradılması da planlar sırasındadır: "Bu da əhalinin işlə təminatı üçün əlavə imkanlar yaradır".