Aİ Rusiyaya dəniz texnologiyalarının ixracını qadağan edəcək

Avropa Komissiyası Ukrayna ətrafındakı vəziyyətlə əlaqədar Rusiya və Belarusa qarşı yeni sanksiyalar paketi hazırlayıb.

“Report” “RİA Novosti”yə istinadən xəbər verir ki, bu tədbirlər çərçivəsində Belarusun üç bankı SWIFT sistemindən ayrılacaq, eyni zamanda Avropa İttifaqından (Aİ) Rusiyaya dəniz texnologiyalarının ixracı qadağan ediləcək.

“Reuters”in mənbələrə istinadən verdiyi məlumata görə, yeni paket çərşənbə axşamı Aİ-nin daimi nümayəndələri səviyyəsində müzakirə olunacaq. Aİ rusiyalı oliqarxlara və parlament üzvlərinə qarşı əlavə sanksiyalar tətbiq etmək niyyətindədir.