Ağdam Sənaye Parkında daha bir sahibkarlıq subyekti qeyri-rezident statusu alıb

İqtisadiyyat Nazirliyi yanında İqtisadi Zonaların İnkişafı Agentliyinin idarəçiliyində olan Ağdam Sənaye Parkında daha bir sahibkarlıq subyektinə - “Mirinşaat” MMC-yə qeyri-rezident statusu verilib.

Bu barədə "Report"a Agentlikdən bildirilib.

Məlumata görə, şirkət Parkın ərazisində "Tikinti materiallarının bazası” layihəsi həyata keçirəcək.

Ağdam Sənaye Parkında 14 sahibkarlıq subyekti rezident, 5 sahibkarlıq subyekti isə qeyr-rezident kimi qeydiyyatdan keçib.