Yuxarı
    Bağlamaq

    ABŞ-da marixuana istehsalı sənayesi 18 min yeni iş yerinin açılmasına səbəb olub

    Marixuana sənayesinin illik dövriyyəsi 1 mlrd. dollardır

    Bakı. 28 oktyabr. REPORT.AZ/ Müalicəvi marixuananın istehsalı sənayesi ABŞ-ın Kolorado ştatında 18 min nəfəri yeni iş yeri ilə təmin edib. "Report"un "Qazeta.ru" saytına istinadən xəbər verir ki, bu barədə "The Wasington Post" qəzeti məlumat yayıb.

    "Marijuana Policy Group" iqtisadi konsaltinq şirkətinin araşdırmalarına görə, marixuananın leqallaşdırılması Kolorado ştatının iqtisadiyyatına müsbət təsir göstərib. Şirkətin analitiklərinin fikrincə, əgər bu sənaye istiqaməti düzgün təşkil olunarsa, bu, hər bir ştata iqtisadi mənfəət gətirə bilər.

    Qeyd edək ki, 1 mlrd. ABŞ dolları həcmində illik dövriyyəsi ilə yanaşı, marixuana sənayesi digər yerli mal və xidmətlərə tələbi artırıb. Bunların arasında anbarların icarəyə götürülməsi, əkinçilik avadanlığı, xüsusi lampalar və s. məhsullar yer alıb. Yeni sənaye istiqamətinin inkişafı hüquqşünaslar, mühasibliər, logistika və botanika sahəsinin mütəxəssislərinə də tələbatı artırıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi