Yuxarı

ÜST: Son 3 ildə MERS-dən 471 nəfər ölüb

2012-ci ildən insan itkisinin sayı durmadan artır

Bakı. 23 iyun. REPORT.AZ/ Son 3 ildə kəskin nəfəs çatışmazlığı sindromunun qeyri-adi bir növü olan "Korona" virusu MERS-dən 471 nəfər dünyasını dəyişib. "Report" xarici mətbuata istinadən xəbər verir ki, bu barədə Ümumdünya Səhiyyə Təşkilatının (ÜST) sözçüsü Kristian Lindmeyr bildirib.

O, 2012-ci ildən bu günə qədər dünyada 471 nəfərin öldüyünü açıqlayıb. ÜST rəsmisi bildirib ki,  2012-ci ildən insan itkisinin sayı durmadan artır: "Çinə səyahət zamanı virusun MERS növünə yoluxmada 175 fakt qeydə alınmışdı ki, nəticədə 27 insan öldü. İlk dəfə 2012-ci il meydana çıxan və bu il üçüncü ildir ki, virusa yoluxanlardan 471 nəfər həyatını itirib".

Xatırladaq ki, MERS kimi tanınan nəfəs çatışmazlığı sindromuna ilk dəfə 2012-ci ildə Səudiyyə Ərəbistanında rast gəlinib. MERS-ə yoluxma halları və ölümlərin çoxu da məhz bu ölkədə qeydə alınıb.

Qeyd edək ki, "Korona" virusuna insanlar və heyvanlar tənəffüs yolları ilə yoluxurlar. 1965-ci ildə aşkar olunan virus həzm sisteminə də təsir edir. Virusun bir çox fərqli növü var. Virusa qarşı qoruyucu peyvəndlər mövcud deyil və xəstəliyin müalicəsi yoxdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi