Yuxarı
    Bağlamaq

    Şöbə müdiri: "Azərbaycanda 14 yaş və aşağı yaşda olanlar arasında siqaret çəkənlərin sayı artıb"

    Bu da özlüyündə müəyyən qeyri-infeksion xəstəliklərin sayının artmasına səbəb olur© Report.az

    Bakı. 31 may. REPORT.AZ/ "Bu gün Azərbaycanda siqaret çəkənlərin gəncləşməsi prosesi gedir".

    "Report" xəbər verir ki, bunu İctimai Səhiyyə və İslahatlar Mərkəzinin (İSİM) Layihələrin Əlaqələndirilməsi şöbəsinin müdiri Səbinə Babazadə "Tütün-inkişaf üçün təhlükə!" mövzusunda keçirilən seminarda deyib.

    O bildirib ki, əvvəllər ölkədə 16-17 yaşarası siqaret çəkən gənclər vardısa, bu gün həmin göstərici 14 yaş və aşağı yaşda olanları əhatə edir: "Bu da özlüyündə müəyyən qeyri-infeksion xəstəliklərin sayının artmasına səbəb olur. Çünki tütün ağciyərdə xərçəng xəstəliyinin əsas səbəbkarı hesab edilir".

    İSİM-in Əhalinin sağlamlığı şöbəsinin müdiri Tofiq Musayev isə qeyd edib ki, tütün epidemiyası dünyada aktual olan problemlərdən biridir: "Dünyada ölümlərin 60-70 faizini məhz qeyri-infeksion xəstəliklər təşkil edir". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi