Yuxarı
    Bağlamaq

    Səhiyyə naziri İsmayıllıda vətəndaşları qəbul edib

    Qəbul zamanı vətəndaşların müalicə, işlə təminat, sosial xarakterli müraciətləri üstünlük təşkil edib

    Bakı. 19 iyun. REPORT.AZ/ Səhiyyə naziri Oqtay Şirəliyev bu gün İsmayıllı Mərkəzi Rayon Xəstəxanasında vətəndaşları qəbul edib. Nazirlikdən "Report"a verilən xəbərə görə, nazir İsmayıllı, Qəbələ, Göyçay, Şamaxı, Ağdaş rayon sakinlərini qəbul edərək onların xahiş, minnətdarlıq, sağlıq və kadr məsələlərinə dair müraciətlərini dinləyib.

    Qəbul zamanı vətəndaşların müalicə, işlə təminat, sosial xarakterli müraciətləri üstünlük təşkil edib.

    Oqtay Şirəliyev Səhiyyə Nazirliyinin səlahiyyətlərinə aid məsələlərin operativ həlli üçün nazirliyin müvafiq struktur rəhbərlərinə tapşırıqlar verib. Vətəndaşların bir sıra müraciətləri yerindəcə həll edilib. Nazirliyin səlahiyyətlərinə aid olmayan məsələlərlə bağlı müraciətlər baxılması və müvafiq tədbirlərin görülməsi məqsədilə aidiyyəti qurumlara çatdırmaq üçün qeydiyyata alınıb.

    Ümumilikdə 30 nəfər qəbul olunub və hər bir vətəndaşın müraciətinə diqqətlə yanaşılıb, müraciətlərin birbaşa həlli üçün qanunvericiliyə uyğun olaraq müvafiq tədbirlər görülüb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi