Yuxarı

Direktor müavini: "Qeysəriyyə kəsiyi ilə dünyaya gələn uşaqlarda nevroloji patologiyalar artır"

Cəmilə Ağazadə: Bakı Sağlamlıq Mərkəzində ana və uşaq ölümü sıfır faizdir

Bakı. 28 sentyabr. REPORT.AZ/ "Qeysəriyyə kəsiyi ilə dünyaya gələn uşaqlarda nevroloji patologiyalar artır". 

"Report" xəbər verir ki, bunu Bakı Sağlamlıq Mərkəzinin direktor müavini Cəmilə Ağazadə jurnalistlərə açıqlamasında deyib.

Onun sözlərinə görə, qeysəriyyə kəsiyi əməliyyatı üçün göstəriş olması vacibdir: "Tez doğulan uşaqlarda bir az geri qalmalar ola bilər. Amma onlarda nəsə ciddi problemlərin olacağını demək əvvəlcədən mümkün deyil".

Direktor müavini bildirib ki, son illər ölkədə qeysəriyyə əməliyyatlarının sayı azalıb: "Təkcə Azərbaycanda yox, bütün dünya ölkələrində də qeysəriyyəyə qarşı addımlar atılır. Antenatal qulluğun normal aparılması qeysəriyyə kəsiyinin azalması ilə nəticələnib. Mərkəzdə ana və uşaq sağlamlığı diqqət mərkəzində saxlanılır. Mərkəzdə ana və uşaq ölümü sıfır faizdir. Ağır patologiyası olan xəstələr də tam sağlam şəkildə evə yazılıb".­

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi