Yuxarı
    Bağlamaq

    Elm adamları: "Prostat və süd vəzisi xərçəngi bir-birilə əlaqəlidir"

    Bu qənaətə ABŞ-da 80 minə yaxın qadının iştirak etdiyi və 16 illlik araşdırmanın nəticəsində gəlinib

    Bakı. 25 mart. REPORT.AZ/ Prostat xərçənginə yoluxan ata, qardaş və ya oğula sahib qadınlarda süd vəzisi xərçəngi riskinin yüksək olduğu müəyyənləşib. "Report" bu barədə xarici mətbuata istinadən xəbər verir.

    ABŞ-da 80 minə yaxın qadının iştirak etdiyi və 16 illlik araşdırmanın nəticəsinə görə, atası, qardaşı, yaxud da oğlu prostat xərçənginə tutanlarda süd vəzisi xərçənginə yoluxmaq riskinin 14 faiz artıq olduğu müəyyən edilib.

    Araşdırma zamanı həmçinin atası, qardaşı, ya da oğlu prostat, anası və ya bacısı süd vəzisi xərçənginə yoluxan qadınlarda isə riskin 80 faizə qədər olduğu üzə çıxıb.

    Prostat və süd vəzisi xərçənglərinin eyni "xətalı gendən" qaynaqlandığını deyən elm adamları həkimlərin öz xətlərinin ailələrini ətraflı araşdırmalarını tövsiyyə ediblər.

    Qeyd edək ki, araşdırmanın nəticələri "Cancer" jurnalında dərc olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi