Ötən həftə Bakıda 13763 nəfər təcili yardıma müraciət edib, onlardan 1337-si xəstəxanalara yerləşdirilib

Bakı. 7 avqust. REPORT.AZ/ Son bir həftə ərzində Bakı şəhər Təcili və Təxirəsalınmaz Tibbi Yardım Stansiyasına 13763 ümumi müraciət daxil olub.

Səhiyyə Nazirliyinin mətbuat xidmətindən "Report"a verilən məlumata görə, onlardan 1337 nəfəri xəstəxanalara yerləşdirilib. 

Uşaqlar üçün edilən çağırışların sayı 1704, onlardan xəstəxanalara yerləşdirilənlərin sayı isə 225 olub.

Miokard infarktı ilə müraciətlərin sayı 12, hospitalizasiya 12, insultla müraciətlərin sayı 52, hospitalizasiya 52, cərrahi xəstəliklərlə bağlı müraciətlərin sayı 112, hospitalizasiya 112, doğuşla bağlı müraciətlərin sayı 57, hospitalizasiya 57, zədə ilə bağlı müraciətlərin sayı 326, hospitalizasiya 307, 23 avtoqəza hadisəsi nəticəsində xəsarət alanların sayı 30, hospitalizasiya 25 olub.

Evdə qalan xəstələr haqqında ərazi üzrə müvafiq poliklinikalara məlumat verilib. Digər tibb müəssisələri ilə sıx əlaqəli işin təşkilinə xüsusi diqqət yetirilir. Çağırış zamanı aşkar edilən zahı və hamilə qadınlar barəsində qadın məsləhətxanalarına məlumat verilir.