Yuxarı
    Bağlamaq

    Ötən il Azərbaycanda qeydə alınan qida zəhərlənmələrinin sayı açıqlanıb

    İmran Abdullayev: “Ötən il ölkədə 625 qida zəhərlənməsi faktı qeydə alınıb”

    Bakı. 11 yanvar. REPORT.AZ/ Ötən il Azərbaycanda qeydə alınan qida zəhərlənmələrinin sayı açıqlanıb.

    Səhiyyə Nazirliyinin Gigiyena və Epidemiologiya Mərkəzinin şöbə müdiri İmran Abdullayev “Report”a açıqlamasında deyib ki, 2016-cı ildə ölkədə 625 qida zəhərlənməsi faktı qeydə alınıb. 

    O bildirib ki, qida zəhərlənməsi nəticəsində 924 nəfər zərər çəkib.

    Şöbə müdirinin sözlərinə görə, 2016-cı ildə ölkə ərazisində 36 botulizm hadisəsi olub: “Botulizm hadisəsi nəticəsində 55 nəfər zərərçəkən olub, iki nəfər isə həyatını itirib”.

    İ.Abdullayev qeyd edib ki, dekabr ayı ərzində ölkədə 24 qida zəhərlənməsi hadisəsi baş verib: “Qida zəhərlənməsi nəticəsində 37 nəfər zərər çəkib. Ötən ay, həmçinin 3 botulizm faktı qeydə alınıb və bu infeksiyadan 9 nəfər zərər çəkib. Zəhərlənmənin və infeksiyaların əsas səbəblərindən biri qış ayları əhalinin ev şəraitində hazırlanan şorabalardan, xüsusilə də pomidor turşusundan istifadə etmələridir”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi